Materiale antico

Ambrosii Calepini Dictionarivm , In quo restituendo atque exornando haec praestitimus. Primvm , Non solùm illud curauimus , quod ab omnibus iam solet , ut adderemus quam plurima ; sed etiam , quod nemo ad hanc diem fecit , ut multarum dictionum obscuram significationem aperiremus : Deinde , cum exempla quaedam Calepinvs adduxerit , quae nunc in libris emendatè impressis aliter leguntur , ea sustulimus , & aptiora reposuimus. Praeterea , Cum totum Dictionarium ex multiplici impressione redundaret erroribus , ad eos libros , qui citabantur , crebro recurrimus,ueramque lectionem ,inde petitam , Calepino restituimus : Postremò , in Graecis dictionibus malè affecta quamplurima sanauimus. Additamenta Pavli Manvtii , Tvm ad intelligendam, tvm ad exornandam Lingvam Latinam , quaedam etiam ad Romanarum rerum scientiam vtilissima . Adiecta svnt synonima , vocvm differentiae , antitheta , lectiora adagia, uoces ciceronianae in earun uicem, quae sunt duriores , aut Barbarae, Atque singulis Latinis uocibus, Graecae , Italicae , Gallicae , Hispaniae. Henrici Farnesii Ebvronis i. c. et artis oratoriae in Ticinensi Gymnasio doctoris pvblici. De uerborum splendore & delectu , ad ubertatem & copiam dicendi, Appendicvlae dvae, quarum prima XIX. Tabulis est contexta , in quibus primum uerborum uis & proprietas : deinde nitor & delectus , tum dilatandi ratio , ac demum vsus ipse breuiter monstratur : Altera de uerborum interpretatione , & Etymologijs, ex quibus uerborum vis & natura, quantumq. Latina cum Gaecis sint coniuncta facile elucescit. Ac demum inseritur Dictionarium Italicum, vt hoc Idioma affectantibus praesto sit etiam, et expeditum.